Şehîd Qadir Ebdulkerîm Elmas bi navê Qelay Mayinjan tê naskirin, di sala 1913an de li gundê Newsu yê li rojhilatê Kurdistanê ji dayik bûye. Di dema ciwaniya xwe de çûye herêma Hewramanê, kar dît û bû niştecihê gundê Belxê yê nahiyeya Biyare ya parêzgeha Helebceyê.
Ew zewicî bû û navê jina wî Qetan Murad bû, sê kur û du keçên wan hebûn, û yek ji kurên wî Reza Qadir di Şoreşa Îlonê de di sala 1969an de şehîd bû, û du keçên wî (Suada û Tuba) di bombebarana kîmyayî ya Helebceyê de şehîd bûn.
Di sala 1961ê de bû Pêşmergeyê tîma Hewramanê; yek ji yekem Pêşmergeyên tîma Hewramanê di Şoreşa Îlonê de, tîma Hewramanê bû yekem tîma çekdar li herêma Hewramanê ku tevlî şoreşê bû û girêdayî fuca Xebat a Partiya Dêmokrata Kurdistanê bû.
Di sala 1963an de, di encama bombebarankirina eniyên Pêşmergeyan ji aliyê artêşa Îraqê ve, Şehîd Qadir û du hevalên wî, bi navên Qela-sûr û Xefûr Ehmed, birîndar bûn, lê Qadir Ebdulkerîm ji ber giraniya birîna xwe şehîd bû.
Çavkanî:- Arşîva ensîklopediya PDKê