Kerîm Fettah Qadir di sal 1902 de li gundê Hesen Awa yê ser bi parêzgeha Helebceyê ji dayik bûye. Ew gundî bû û bi çandiniyê re mijûl dibû, bi Kafiye Mihemed re zewicî bû û bavê du kur û du keçan bû (Umer, Ehmed, Xawer, Behiye). Yek ji kurên wî (Umer) di dema dorpêçkirina ji aliyê leşkerên rejîma Iraqê ve bi wî re şehîd bû.
Di sal 1963 de bi rêya xaneya sereke ya bi serokatiya Ebdullah Bexdadî di nav rêxistina Norolî de, di nav seriya Ferec Hacî Mehmûd a ser bi fujê Xebat ê Partiya Demokrat a Kurdistanê de tevlî refên Pêşmerge bû.
Di sal 1963 de bi Şehîd Heme Golbî û komek ji hevalên xwe yên Pêşmerge re ji bo bêhnvedanê û dabînkirina pêdiviyên xwe vegeriyan gundê Hesen Awa. Ew hatin eşkerekirin û hêzeke mezin a Artêşa Iraqê gund dorpêç kir. Piştî pevçûnên di navbera her du aliyan de, Heme Golbî û hejmarek ji hevalên wî karîn birevin, lê Kerîm Fettah Qadir û sê hevalên wî (Umer Kerîm Fettah, Hacî Kerîm, Salih Mihemed Elî) hatin girtin û li deriyê gund bi guleyan hatin kuştin û di cih de şehîd bûn.
Çavkanî:Arşîva Komîsyona Ensîklopediya Partiya Demokrat a Kurdistanê.