ڕێکار و ڕێنمایى پارتى بۆ ڕێکخستنەکانى

تکایە پي رەوي ئەم بریار و ئاموژگاریانەمان بکەن بە وردي ١- بو چارەسەرکردني تەگەر و گیروگرفتەکاني توشتانەبي ئەبي پەیوەندي بە لێ پرسراواني حزبي بعثي اشتراکي وە لي پرسراواني حکومەت بکەن وە لەبەر تیشکي ظروفي تازە وە بە پي ناوەروکي بەیاني ١١ی آذار ھەنگاویان لەگەل بھاویژن بو چەسپاندي مافە رەواکاني میللەتە قارەمانەکەمان. ٢- جاري چالاکي سیاسي جماھیري مشترک بە شیوەیەکي رسمي ھەر لەگەل حزبي بعثي عربي اشتراکي دەبیت تا زمینکي باش دروست دەبیت بو پیک ھیناني بەرەیەکي نیشتماني یەک گرتو لە ھەمو ھیزەکاني نیشتماني دیمقراطي عراقي. ٣- ئەبي لە ھەمو ھەنگاوێکتان دا پروگرامو پیروي ناوخوي پارتیمان لە بیر وە لە بەر تیشکیا ھەنگاو بھاویژن وە ماوەي پیاو خراپو ھەلورتە کاسەوکاسەلیز نەدەن لە ریزەکاني پارتیماندا بمینن وە جیگەي خویان بکەنەوە. ئەبي زور توندبن لەگەل ئەو ئەندامانەي لە سیاسەتي پارتیمان لائەدەنو لەلایەن میللەت جیگەي باوەر نین. ٤- ئەبي ھەمو ھنگاویکتان بو چەسپاندي ئاشتیکي دائم بیت لە سەران سەري عیراقو کوردستاندا وە ھەمو تعاونیکي معقول بکەن لەگەل لي پرسراواني حزبي بعثي عربي اشتراکي و حکومەت بو جي بە جي کردني بەیانی ١١ی آذار. ٥- ئەبي ھەمیشە گیاني لي بوردنو برایەتي لە ناو میلەتەکەماندا بەھیز بکەین وە ماوە نەدەن پیاو خراپو ناحەز و گیرەشیوین لە ناوەروکي بەیاني لي بوردني گشتي سەروک بارزاني کە لە روژي ١٩٧٠/٣/٢٠ دەرچوە و لە ئیستگەي دەنگي کوردستاندا ٣شەو لە سەر یەک بە کوردیو وە عەربي بلاوکرایەو دەربچن بەلکو پیویستە ھەمو لایەکتان لە سەر تیشکیا رەفتار بکەن بو ئەوەي گیاني برایەتیو پیکەیي لەناو میللەتەکەماندا باشتر بچەسپیت کە چاک ترین ھوي سەرکەوتنمانە. ٦- لە بەر ئەوەي پارتیمان لە زروفیکي تازەدا دەروات و سەرکەوتني گەورەي وەرگرتوە و بەرژەوەندي کوردایەتي لەوەدایە، گەلي لە ھەلەتە کاسەوکاسەلیز دەیانەویت بینە ریزي پارتیمانەوە، بویە ئەبي لە وەرگرتني ئەندامي تازە زور وریا بن وە ھەر ئەوان وەربگرن کە بە تەواوەتي لە رابردویان و پاکیان دلنیادەبن. ٧- نھائیا نابي پ.م ي ناو شار بمینیت. ٨- بە زوترین کات بە دورو دریژي ئەم بریار و ئاموژگاریەتان بە نوسراوي تایبەتي بو رونتر دەکەینەوە وە ھەر مشکیلەیەکتان دەبیت دەست بە جي ئاگادارمان بکەن.

تکایە بە وردی پەیڕەوی لەم بڕیار و ئامۆژگاریانەمان بکەن: ١- بۆ چارەسەرکردنی ئەو تەگەرە و گیروگرفتانەی دێنە پێشتان، دەبێت پەیوەندی بە لێپرسراوانی حزبی بەعسی ئیشتراکی و لێپرسراوانی حکومەتەوە بکەن و لەبەر تیشکی ئەو دۆخە نوێیەی کە هاتووەتە ئاراوە و بە پێی ناوەرۆکی بەیانی ١١ی ئادار ھەنگاویان لەگەڵ بھاوێژن بۆ چەسپاندی مافە ڕەواکانی میللەتە قارەمانەکەمان. ٢- ئێستا چالاکیی سیاسی و جەماوەریی هاوبەش بە شێوەیەکی فەرمی ھەر لەگەڵ حزبی بەعسی عەرەبیی ئیشتراکی دەبێت، هەتا زەمینەیەکی باش دروست دەبێت بۆ پێکھێنانی بەرەیەکی نیشتیمانیی یەکگرتوو لە ھەموو ھێزە نیشتیمانییە دیموکراتییە عێراقییەکان. ٣- دەبێت لە ھەموو ھەنگاوەکاندا پرۆگرام و پەیڕەوی ناوخۆی پارتیمان لە بیرنەکەن و لە بەر تیشکی ئەودا ھەنگاو بھاوێژن و بوار بە پیاو خراپ و ھەڵەتە و کاسەلێس نەدەن لە ڕێزەکانی پارتیماندا بمێنن و جێگەی خۆیان بکەنەوە، دەبێت زۆر توندبن لەگەڵ ئەو ئەندامانەی لە سیاسەتی پارتیمان لادەدەن و لەلایەن میللەتەوە جێگەی باوەڕ نین. ٤- دەبێت ھەموو ھەنگاوێکتان بۆ چەسپاندی ئاشتییەکی هەمیشەیی بێت لە سەرانسەری عێراق و کوردستان و ھەموو هاوکارییەکی مەعقول بکەن لەگەڵ لێپرسراوانی حزبی بەعسی عەرەبیی ئیشتراکی و حکومەت بۆ جێبەجێکردنی بەیانی ١١ی ئادار. ٥- دەبێت ھەمیشە گیانی لێبوردن و برایەتی لە ناو میلەتەکەماندا بەھێز بکەین و بوار نەدەن پیاو خراپ و ناحەز و و گێرەشێوێن لە ناوەرۆکی بەیانی لێبوردنی گشتیی سەرۆک بارزانی کە لە ڕۆژی ١٩٧٠/٣/٢٠ دەرچووە و لە ئێزگەی دەنگی کوردستان سێ شەو لە سەر یەک بە کوردی و عەرەبی بڵاوکرایەوە، دەربچن، بەڵکو پێویستە ھەموو لایەکتان لەبەر تیشکی ئەو بەیانەدا ڕەفتار بکەن، بۆ ئەوەی گیانی برایەتی و پێکەوەیی لەناو میللەتەکەماندا باشتر بچەسپێت کە چاکترین ھۆکاری سەرکەوتنمانە. ٦- لەبەرئەوەی پارتیمان لە بە دۆخێکی نوێدا دەڕوات و سەرکەوتنی گەورەی بەدەستهێناوە و بەرژەوەندیی کوردایەتی لەوەدایە، گەلێک لە ھەڵەتە و کاسەلێسەکان دەیانەوێت بێنە ڕێزەکانی پارتیمانەوە، بۆیە دەبێت لە وەرگرتنی ئەندامی نوێ زۆر وریا بن و تەنیا ئەوانە وەربگرن کە بە تەواوەتی لە ڕابردوویان و پاکییان دڵنیادەبن. ٧- بەهیچ شێوەیەک نابێت پێشمەرگە لە ناو شاردا بمێنێتەوە. ٨- بە زووترین کات بە دوورودرێژی ئەم بڕیار و ئامۆژگاریانەتان بە نووسراوی تایبەتی بۆ ڕوونتر دەکەینەوە و ھەر کێشەیەکتان هاتە پێش، دەست بەجێ ئاگادارمان بکەنەوە.