بەڕێوەچوونی کۆنگرە:
کۆنگرەی ١٤یەمینی یەکەتی قوتابیانی کوردستان، لە ٣ و ٤ی تشرینی دووەمی ٢٠١٢، لە هۆڵی شەهید سەعد عەبدوڵڵا لە شاری هەولێر، بە چاودێریی سەرۆک مەسعود بارزانی، بە دروشمی (دوێنێ تێکۆشان، ئەمڕۆ زانست، سبەی داهێنان) و بە ئامادەبوونی فازڵ میرانی سکرتێری مکتب سیاسیی پارتی دیموكراتی كوردستان (پارتی) و مەسرور بارزانی عضو مکتب سیاسیی پارتی دیموكراتی كوردستان و ڕاوێژکاری ئەنجومەنی ئاسایشی هەرێمی کوردستان بەڕێوەچوو(١).
دوای خوێندنەوەی وتاری بەشداربووان و ئامادەکردنی ڕاپۆرتی کۆمیتەکان، بە دەنگی ئەندامانی کۆنگرە سکرتێر و ئەندامانی سکرتاریەت بەم شێوەیە هەڵبژێردران:
١- فاتح محەمەد کاکە ئەحمەد ناسراو بە فاتح مەولەوی زادە – سکرتێر
٢- ئەحمەد بیژار فازڵ
٣- کۆڤان عیسا بەهائەدین
٤- حەسەن عەلیەدین
٥- هێوا مەجید
٦- سلێمان موحسین
٧- شەریف فەتاح
٨- سەربەست سەفتی(٢).
ڕێکخستنەکانی یەکەتی قوتابیانی کوردستان لە بەش، کۆمیتەی قوتابخانە، کۆمیتەی زانکۆ و پەیمانگاکان، کۆمیتەی ناوچە، لق، مکتبی سکرتاریەت و سکرتێر پێکدێن(٣).
سەرچاوە:- کۆنگرەی ١٤یەمینی یەکەتی قوتابیانی کوردستان دەستی بە کارەکانی کرد، ڕۆژنامەی خەبات، ئۆرگانی حزب دیموکراتی کوردستان (پارتی)، ژمارە ٤١٨٦، هەولێر، یەکشەممە، ٠٤.١١.٢٠١٢، ل ١، ٣-٤؛ خەبات زەنگەنە، بە چاودێریی سەرۆک و بە ئامادەبوونی سکرتێری مکتب سیاسی، ڕۆژنامەی خەبات، ئۆرگانی حزب دیموکراتی کوردستان، ژمارە ٤١٨٦، هەولێر، یەکشەممە ٠٤/١١/٢٠١٢، ل ١.
- سیروان عوسمان، مێژوویەکی گەش و کاروانێکی نەشکاو، (هەولێر- چاپخانەی وەزارەتی ڕۆشنبیری- ٢٠١٤)، ل ٥٣.
- کارنامە و ڕێبازی ناوخۆیی یەکەتی قوتابیانی کوردستان، کۆنگرەی چواردەیەم، (هەولێر، مکتبی سکرتاریەت - ٢٠١٢)، ل ١-١٠.