له ساڵی 2003، عراق تووشی گۆڕانکاری گه‌وره‌ی سیاسی بوو، دوای داگیرکردنی له‌لایه‌ن هاوپه‌یمانان، سیسته‌می دیکتاتۆری له عراق ڕووخا و جێگه‌ی به ده‌سه‌ڵاتی فیدراڵی دیموکراتی گرت که گه‌لی عراقی بۆ چه‌ندین ده‌یه خه‌باتی بۆ ده‌کرد. هه‌رێمی کوردستان و گه‌لی کورد به‌تایبه‌تی ڕۆڵێکی گه‌وره‌یان له‌م گۆڕانکارییانه‌ی عێراقدا هه‌بوو و مافی خۆیان بوو که یه‌که‌م سوودمه‌ندی ئه‌م گۆڕانکارییانه بن، به چه‌سپاندنی ته‌واوی مافه نه‌ته‌وه‌ییه‌کانیان له ده‌ستووری نوێی عێراقدا. به سوپاس بۆ هه‌وڵه ماندوونه‌ناسه‌کانی سه‌رکردایه‌تی سیاسی کورد و پارتی دیموكراتی كوردستان (پ.د.ک)، مافه ده‌ستوورییه‌کانی گه‌لی کورد له ده‌ستووری نوێی عێراقدا چه‌سپێنرا و هه‌رێمی کوردستان له هه‌رێمێکی داخراو و گه‌مارۆدراوه‌وه گۆڕا بۆ هه‌رێمێکی فیدراڵی دیموکراتی کراوه به‌ڕووی جیهاندا و دواتر بوو به په‌ناگه‌یه‌کی ئارام بۆ سه‌رجه‌م دیموکراتخوازان نه‌ک ته‌نیا له عێراق، به‌ڵکو له ته‌واوی ناوچه‌که‌دا.
گۆڕانکارییه خێراکانی دوای سه‌ربه‌خۆیی عێراق هانی سه‌رجه‌م ڕێکخراوه سیاسی و جه‌ماوه‌رییه‌کانی دا که به‌رگێکی نوێ بپۆشن و به خێرایی له‌گه‌ڵ گۆڕانکارییه‌کان بجووڵێنه‌وه، له‌وانه‌ش پارتی دیموكراتی كوردستان و ڕێکخراوه جه‌ماوه‌رییه‌کانی. ده‌ستبه‌جێ دوای ئازادکردنی عێراق، واته دوای به‌هاری 2003، یەکێتی قوتابیانی کوردستان به خێرایی باره‌گاکانی خۆی له زۆربه‌ی شاره‌کانی عێراق کرده‌وه، به‌تایبه‌تی له شاری به‌غدا و ناوچه‌کانی سنووری مادده‌ی 140، و خۆیان بۆ کۆنگره‌یه‌کی نوێ ئاماده کرد. دوای کۆبوونه‌وه‌ی کۆمیتەی جێبەجێکاری یەکێتی قوتابیانی کوردستان، بڕیاردرا کۆنگره‌ی یازدەیه‌می ڕێکخراوه‌که به زووترین کات ببه‌سترێت و بۆ ئه‌م مه‌به‌سته کۆمیسیۆنی ئاماده‌کاری پێکهێنرا. دوای ته‌واوبوونی ته‌واوی ئاماده‌کارییه‌کان و سه‌رکه‌وتنی ئه‌ندامانی کۆنگرە، بڕیاردرا کۆنگره‌که بۆ یه‌که‌مجار له دهۆک ببه‌سترێت1.
ئه‌نجامدانی کۆنگرە:
کۆنگره‌که کاره‌کانی خۆی2 له نێوان 30ی ته‌مموز بۆ 4ی ئابی 2004، له هۆڵی کۆلێژی کشتوکاڵی زانکۆی دهۆک، به ئاماده‌بوونی 386 نوێنه‌ر له سه‌رجه‌م ڕێکخراوه‌کان، له‌ژێر دروشمی (زانست، ئازادی، گه‌شه‌پێدان) ده‌ستپێکرد. کۆنگره‌که به ئاماده‌بوونی عه‌لی سینجاری، نوێنه‌ری سه‌رۆک به‌رزانی، ڕێبوار یه‌ڵدا، به‌رپرسی مه‌کته‌بی ناوه‌ندی ڕێکخراوه پیشه‌ییه‌کانی پارتی دیموكراتی كوردستان (پ.د.ک) ده‌ستیپێکرد و بۆ یه‌که‌مجار نوێنه‌رانی به‌غدا و خانه‌قین به‌شداری کۆنگره‌که‌یان کرد3.
له ڕۆژی یه‌که‌می کۆنگره‌دا، چه‌ند کۆمیسیۆنێک پێکهێنران و پاشان ستافی نوێی کۆمیتەی جێبەجێکار به ده‌نگدان هه‌ڵبژێردران که پێکهاتبوون له:
1- سه‌رهه‌نگ زاهیر
2- هوشمه‌ند ڕه‌فعه‌ت
3- سدیق مه‌حموود
4- زێره‌ڤان حوسێن
5- دڵشاد شه‌عبان
6- ئه‌نه‌س ئه‌یوب
7- موعاز عه‌بدوڵڵا
8- موشیر محه‌مه‌د
9- کارزان سه‌دره‌ددین
10- عیماد عه‌لی
11- ڕاهل حه‌سه‌ن سه‌بری
12- هێمن باجه‌لان
13- جه‌عفه‌ر
14- تاهیر محه‌مه‌د ئه‌حمه‌د
15- سێروه ساڵح مسته‌فا
16- کاوه ڕه‌سوول محه‌مه‌د4.
دوای هه‌ڵبژاردنی ئه‌ندامانی کۆمیتەی جێبەجێکار، ئاماده‌کردن و په‌سه‌ندکردنی ڕاپۆرتی کۆمیسیۆنه‌کان، له 1ی ئاب، هه‌ڵبژاردن بۆ دیاریکردنی سکرتێر و ئه‌ندامانی سکرتاریه‌ت ده‌ستیپێکرد و له ئه‌نجامدا سکرتاریه‌تی نوێ به‌م شێوه‌یه هه‌ڵبژێردرا:
1- باراڤان حه‌مدی - سکرتێر
2- لاوه‌ند عوسمان - ئه‌ندامی مه‌کته‌بی سکرتاریه‌ت
3- کوردۆ ئیحسان - ئه‌ندامی مه‌کته‌بی سکرتاریه‌ت
4- ئاریان سه‌ڵاحه‌ددین ئه‌سعه‌د - ئه‌ندامی مه‌کته‌بی سکرتاریه‌ت
5- ڕێناس جانۆ محه‌مه‌د ناسراو به ڕێناس بامه‌ڕنی - ئه‌ندامی مه‌کته‌بی سکرتاریه‌ت
6- نه‌ڤسار نووری - ئه‌ندامی مه‌کته‌بی سکرتاریه‌ت
7- فه‌خره‌ددین مه‌هدی جه‌رجیس - ئه‌ندامی مه‌کته‌بی سکرتاریه‌ت
8- شێروان هیتۆ - ئه‌ندامی مه‌کته‌بی سکرتاریه‌ت
9- ئاوات کارۆخ - ئه‌ندامی مه‌کته‌بی سکرتاریه‌ت
10- هێمن ڕه‌شید زه‌یدان، ناسراو به هێمن باجه‌لان، ئه‌ندامی مه‌کته‌بی سکرتاریه‌ت
11- مه‌ردان خدر - ئه‌ندامی مه‌کته‌بی سکرتاریه‌ت
12- خه‌ملان محه‌مه‌د ساڵح - ئه‌ندامی مه‌کته‌بی سکرتاریه‌ت
13- سه‌نگه‌ر که‌نه‌بی حه‌مه ساڵح، ناسراو به سه‌نگه‌ر که‌نه‌بی گه‌وره، ئه‌ندامی مه‌کته‌بی سکرتاریه‌ت
14- یاسین ساڵح - ئه‌ندامی یه‌ده‌گی مه‌کته‌بی سکرتاریه‌ت5.
یەکێتی قوتابیانی کوردستان (ی.ق.ک) له 16 لق پێکهاتبوو: هه‌ولێر. زانکۆی سه‌ڵاحه‌ددین. زانکۆی سۆران. زانکۆی دهۆک. موسڵ، لقی ئاکرێ، زاخۆ، زانکۆی که‌رکووک، زانکۆی گه‌رمیان، سلێمانی، زانکۆی سلێمانی، هه‌ڵه‌بجه، ڕاپه‌ڕین، سۆران، که‌رکووک و لقی به‌غدا6.
سه‌رچاوه:1. ئه‌رشیفی ئینسایکلۆپیدیای پ.د.ک.