شەهید عەبدولخالق مەلاحەسەن، سپینداری-بەرواری، لە ساڵی ١٩٤٠ لە گوندی سپینداری سەر بە ناوچەی چەمانکێی دەڤەری بەرواری لەدایکبووە. لە تەمەنی لاوێتیدا قوتابییەکی زیرەک و چالاک بووە. لە ٢٩ی تشرینی یەکەمی ١٩٦٦ لە شەڕی سەنگەسەر شەهید بووە و لە دۆڵی شەهیدان لە ناوچەی سەنگەسەر بە خاک سپێردراوە.
بیرەوەری خەباتیەکێک بوو لە دامەزرێنەرانی یەکێتی قوتابیانی کوردستان، لە ساڵی ١٩٦٠ شەهید عەبدولخالق مەلاحەسەن سپینداری سەرۆکی قوتابیانی دهۆک بوو، یەکێک لە چالاکییەکانی شەهید ئەوە بوو کە دەستی بە ڕێکخستنی قوتابیان کرد، و شۆڕشی لە هەموو ئاستەکانی ڕۆشنبیری، دەنگ و گفتوگۆ لەنێوان قوتابیاندا پەرەپێدا، بەهۆی حەزی بۆ شۆڕش، قوتابخانەی بەجێهێشت و پەیوەندی بە ڕیزەکانی پێشمه‌رگه ئازاکانەوە کرد.
لە ساڵی ١٩٦٣ پەیوەندی بە ڕیزەکانی فەوجی فارس کورەمەکییەوە کرد، بەهۆی زیرەکییەکەیەوە بوو بە جێگری فەوج، بەهۆی ئازایەتییەکەیەوە مەلا مستەفا بارزانی گرنگی پێ دەدات و دەیکاتە یەکێک لە کەسە نزیکەکانی، بەشداری لە زۆر شەڕدا کردووە لەوانە شەڕی ڕووباری دهۆک، شەڕی لۆمانە، شەڕی ئامێدی، بارێ کار، شەڕی زوزک، شەڕی هەندرێن، شەڕی گەورەی عەمر ئاغا و زۆر شەڕی تر. لە ٢٩ی تشرینی یەکەمی ١٩٦٦ لە شەڕی سەنگەسەر شەهید بوو، و لە سەنگەسەر بە خاک سپێردرا، گۆڕەکەی لە دۆڵی شەهیدانە لە سەنگەسەر.
سەرچاوە:ئەرشیفی ئینسایکلۆپیدیای پارتی دیموکراتی کوردستان