شەهید خالید حمدئه‌مین ئه‌بوبه‌كر گه‌ره‌وه‌یی، ساڵی ١٩٣٣ لە گوندی گەرەوانی خواروو، له دۆڵی ئاكۆیانی قه‌زای ڕواندزی پارێزگای هه‌ولێر لەدایك بووە، خێزاندار بووە و خاوەنى چوار کوڕو یەک کچ بووە.
ساڵی ١٩٦٣ پەیوەندى بە هێزى پێشمەرگەى شۆڕشی ئەیلوول کردووە و لە بەتالیۆنی٤ی هه‌ندرێن بۆتە پێشمەرگە، پلەى سەرپەلی له هه‌مان به‌تالیۆن وەرگرتووە. لە ٢ی ئایاری ١٩٦٦ له داستانی به‌ناوبانگی هه‌ندرێن به‌شداری کردووە و له گرتنی لیوای چواری سوپای عیراق له‌و داستانه ڕۆڵی به‌رچاوی هه‌بووه. له چه‌ندین شه‌ڕو داستانی تر به‌شداریكردووه.
له ڕۆژی ١ی حوزەیرانی ١٩٧٥، له گوندی بەرسیرین، له سنووری قه‌زای ڕواندز، له‌گه‌ڵ دوو پێشمه‌رگه‌ی دیكه شه‌هید بووە و ته‌رمه‌كه‌ی له گۆڕستانی گوندی گه‌ره‌وانی خواروو به خاك سپێردراوە.
١- ئەرشیفى دەستەى ئینسکلۆپیدیاى پارتى دیموکراتى کوردستان.