شەهید بەهجەت عومەر لە ساڵی ١٩٦٥ لە پارێزگای هەولێر لە دایکبووە، دانیشتوی شاری هەولێر بووە و دەرچووی قۆناغی ناوەندی بووە، سەرقاڵی کەسابەتی ناو بازاڕی هەولێر بووە، شەهید بەهجەت خێزاندار بووە و ناوی خێزانی بێری سابیر مەولەویە، خاوەنی دوو کوڕ بووە بە ناوەکانی ڕێباز و ڕێناز.
خەباتنامەشەهید بەهجەت لە ساڵی ١٩٩١ چەکی هەڵگرتووە و بۆتە پێشمەرگە لەلای خەسرۆ کاوانی و هێزەکانی سەر بە ناوچەی شەقڵاوە.
لە ڕاپەڕێنە جەماوەریەکەی خەڵکی کوردستان لە ساڵی ١٩٩١ بەشداری لە ئازادکردنی قەزای شەقڵاوە و کۆڕێ و پارێزگای هەولێر و پارێزگای کەرکووکی کردووە.
لە ڕێکەوتی ٢٠ی ئاداری ١٩٩١ لە ئازادکردنی پارێزگای کەرکووک، لە سەربازگەی خالید بەسەختی بریندار بووە و دواتر دەبابەی سەربازانی ڕژێمی بەعس بەسەر جەستەکەیدا ڕۆشتووە و شەهید بووە.
سەرچاوە:ئەرشیفی دەستەی ئینسکلۆپیدیای پارتی پارتی دیموکراتی کوردستان.