Di koleksiyonê de bigere, bi kategorî, ziman, û dîroka weşanê parzûn bike.
2.343 encam
Omer Teha Mehmud, sala 1955 li gundê Şîvê ya ser bi Mizûriya Bala ya qezaya Mêrgesora parêzgeha Hewlêrê ji dayik bûye. Xwediyê du kur û sê keçan bûye û di sala 1975 piştî şikesta şoreşa Eylûlê koçberî welatê Îranê dibe û li wargeha Zêwe nîştecîh dibe. Paşê ji bo bajarê Kirman ya li naverasta welatê Îranê ye têne veguhestin. Di sala 1991 piştî raperîna xelkê Başûrê Kurdistanê, malbata wî vedigerin û li bajarê Soran nîştecîh dibin.
Mistefa Sofî Elî, naskiriye bi )Mistefa Firinçî(, sala 1947 li gundê Feqyanî ya ser bi qezaya Rewandizê ya parêzgeha Hewlêrê ji dayik bûye. Di sala 1975 piştî şikesta şoreşa Eylûlê koçberî welatê Îranê bûye û li bajarê Sawe nîştecîh bûye. Di sala 1993 piştî raperîna xelkê Başûrê Kurdistanê vegeriyaye Rewandizê.
Mistefa Omer Sêwik Lêlkanî, di sala 1973 li gundê Lêlkanî ya nahiyeya Sîdekan ya ser bi parêzgeha Hewlêrê ji dayik bûye. Heta qonaxa seretayiyê xwendiye. Di sala 1988 koçberê welatê Îranê dibe û sala 1991 piştî raperîna cemaweriya Başûrê Kurdistanê vedigerê Başûrê Kurdistanê.
Mihemed Ziyad Mihemed Emîn, di sala 1940 li gundê Feqiyan ya ser bi qezaya Rewandizê ya parêzgeha Hewlêrê ji dayik bûye. Xêzandar û xwediyê zarokan bûye. Mihemed Ziyad kesayetiyê gundê Feqiyan bûye û ji bo baştirkirina rewşa jiyana gundnişînan kar kiriye.
Meqsud Feqe Omer Hemed, di sala 1955 li gundê Amoka ya ser bi nahiye ya Herîrê ya qezaya Şeqlaweya parêzgeha Hewlêrê ji dayik bûye, xêzandar bûye û xwediyê çar kur û du keçane.
Mihemed Xidir Mihemed, naskiriye bi (Memede Reş Rewandizî), di sala 1932 li gundê Kaniye Qurî ya qezaya Rewandizê ya parêzgeha Hewlêrê ji dayik bûye. Li temena zarokî de bavê wî koça dawî dike, ji bo wê yekê ji ber erkê berpirsiyariya bi mal xwedîkirinê nekariye biçê ber xwendinê. Sala 1955 jiyana hevjîniyê pêkaniye, xwediyê şeş kur û keçek bûye.
Me'ruf Qadir Elî, naskiriye bi (Me'ruf Çomanî), di sala 1956 li gundê Çomana Suweyl Axa ya li nahiyeya Simîlan ya ser bi qezaya Çomana parêzgeha Hewlêrê ji dayik bûye. Di sala 1975 piştî şikesta şoreşa Eylûlê koçberê welatê Îranê dibe û li wargeha Behrem nîştecîh dibe.
Malbata wî li piştî şikesta şoreşa Eylûlê 1961-1975 koçberî welatê Îranê bûye, kurê Şehîd Fetah Axa ye
Salar Osman Husên, naskiriye bi Dr Salar, sala 1969 li bajarê Hewlêrê ji dayik bûye. Xwendina seretayî û navendî li bajarê Hewlêrê qedandiye, Doktora li Edebiyata Kurdî li Zanîngeha Dihokê bi dest xistiye. Xwediyê 12 pertûke li warên: Edebiyat, Ziman, Rojnamegerî û Siyasetê de.
Lîza Felekedîn Sabîr, di sala 1985 li Îranê ji dayik bûye, derçûya beşa Jimêryarî ya Kolêja Birêvebirin û Aborî ya Zanîngeha Selahedîne.
Îsa Sêwik Lêlkanî, sala 1952 li gundê Lêlkan ya ser bi nahiyeya Sîdekan ya parêzgeha Hewlêrê ji dayik bûye, heta qonaxa navendî xwendiye. Di sala 1975 piştî şikesta şoreşa Eylûlê koçberê welatê Îranê dibe û li E'zemiye ya bajarê Kerec pasewanê Mala kek Îdrîs Barzanî dibe. Li welatê Îranê jiyana hevjîniyê pêktîne û xwediyê du kur û keçeke.
Ebubekir Omer Sêwk Lêlkanî, di sala 1953 li gundê Lêlkan ya ser bi nahiyeya Sîdekan ya parêzgeha Hewlêrê ji dayik bûye. Heta qonaxa seretayiyê xwendiye. Di sala 1988 koçberê welatê Îranê bûye û li wargeha Barzan Abad ya bajarê Şino nîştecîh dibe. Jiyana hevjîniyê pêkaniye û xwediyê sê kur û sê keçane. Di sala 1991 piştî raperîna cemaweriya Başûrê Kurdistanê vedigerê Kurdistanê.
