Di koleksiyonê de bigere, bi kategorî, ziman, û dîroka weşanê parzûn bike.
2.343 encam
Ehmed Îbrahîm Mistefa, bi navê (Ehmed Xelanî), hatiye naskirin. Di sala 1950 li gundê Xelanê ya nahiye ya Hacî Omeran ê qeza Çoman ya parêzgeha Hewlêrê ji dayik bûye. Di sala 1975 piştî şikesta şoreşa Eylûlê, koçberî welatê Îranê bûye û bi Kerîm Sincarî, Şekîb Akreyî û Azad Berwarî re çûye Nexede, lê belê li wir gelek nemaye û vegeriyaye gundê Xelan.
Ebdulrehman Resul Hacî Xelîl, naskiriye bi (Ebu Şivan), di sala 1945 li bajarê Zaxo ya ser bi parêzgeha Dihokê ji dayik bûye. Di destpêka sala 1970 de peywendiyê bi rêzên Partiya Dêmokrata Kurdistanê kiriye û di sala 1972 ku hêza Şingalê hate damezrandin, peywendiyê bi wê hêzê ve kiriye ku Mele Husên Marenî Fermandeyê wê Hêzê bûye. Di sala 1975 piştî şikesta şoreşa Eylûlê çûye gundê Bankê û bi komek Pêşmergeyên din re biryarê dane ku azad bin li çûna wan ya welatê Îranê yan mayinê.
Ce'fer Silêman Elî Çêyî di sala 1945 li gundê Çêya li qeza Amêdî ya ser bi parêzgeha Dihokê ji dayik bûye. Di sala 1975 piştî şikesta şoreşa Eylûlê koçberê welatê Îranê bûye û li Nexede nîştecîh bûye. Paşê ji bo Meşhedê hatiye veguhestin û heta sala 1979 li Meşhedê maye. Heman salê vegeriya ye Kerecê û bi Îdrîs Barzanî re hevdîtinê encam daye. Heta sala 1981 li Îranê maye û di sala 1981 vegeriya ye Başûrê Kurdistanê û li bajarê Dihokê nîştecîh bûye.
Bernard Kouşner, siyasetmedar, dîplomat û pizîşkê pîspor yê Fransî, di sala 1939 li bajarê Komûn ya Başûrê Rojhilatê welatê Fransa ji dayik bûye. Damezrênerê her du rêxistinên Pizîşkên Bêsînor û Pizîşkên Cîhanî ye, Endamê Parlemena Fransa, Endamê Parlemenê Yekîtiya Ewrupa, Wezîrê Tendirustî, Wezîrê Derveyê Yekîtiya Ewrupa bûye. Li 15 ê Adara 2013 ji aliyê Serok Mesûd Barzanî ve medalya Barzaniyê wergirt.
Ebdulrehman Mihemed Ebdulrehman naskiriye bi (Ebdulrehman Hureyî), di sala 1930 li gundê Hure ya navçeya Rêkanî ya parêzgeha Dihokê ji dayik bûye. Heta pola pêncema seretayî xwendiye. Di sala 1961 dema şoreşa Eylûlê bi rêberiya Barzaniyê Nemir destpêkir, Abdulrehman Hureyî peywendiyê bi rêzên şoreşa Eylûlê kir. Berî destpêka şoreşê derbasî devera Rêkan û beşdariya şerê Çemankê kiriye.
Yunis Abdulezîz Pêşmergeyê şoreşa Gulan bûye, li sala 1986 li devera Zurgezrawî şehîd bûye.
Xoşewî Esed Mîr Ehmed li sala 1991 peywendiyê bi Partiya Dêmokrata Kurdistanê ve dike. Di sala 1997 li şerê berevaniya li serweriya yasa li Çiyayê Direbî bi gulleyê çekdarên PKK hatiye şehîd kirin.
Xidir Ehmed Mistefa Abdulla, naskiriye bi (Hosta Xidir Mistefa), di sala 1931 li gundê Rustê ya nahiyeya Simîlana qezaya Çoman ya parêzgeha Hewlêrê ji dayik bûye, li medreseyê xwendiye, xêzandar bûye û xwediyê du kur û du keç bûye, li 16 ê Temûza 1962 ji aliyê cehşên Kerîm Xanê Biradost hatiye şehîd kirin.
Sadiq Elî Sadiq naskiriye bi (Karwan), Pêşmergeyê şoreşa Gulanê bûye, derçûyê xula heştem ya Pêgihandina Kadirên Partiya Demokrata Kurdistanê bûye, li sala 1987 nahiye ya Daretû şehîd bûye.
Sebrî Hesen Sebrî li sala 1991 peywendiyê bi Partiya Dêmokrata Kurdistanê ve kiriye. Di sala 1997 li şerê berevaniya li serweriya yasa ya li Çiyayê Direbî bi gulleya çekdarên PKK hatiye şehîd kirin.
Omer Elî Tahîr sala 1991 bûye Pêşmerge û beşdariya raperîna sala 1991 kiriye. Li sala 1991 li Hewlêrê şehîd bûye.
Qasim Teha Şerîf naskiriye bi (Qasim Ebu Şiwarb), Pêşmergeyê şoreşa Eylûlê bûye, pileya Serpel û Serleqî wergirtiye, li sala 1974 li tixûbê parêzgeha Silêmanî şehîd bûye.
