Di koleksiyonê de bigere, bi kategorî, ziman, û dîroka weşanê parzûn bike.
2.343 encam
Silêman Hedo Şino ku bi navê (Silêman Hedo Zerarî) jî tê naskirin, Pêşmerge û hevsengerê Barzanî bo Yekîtiya Sovyetê bû. Di sala 1930an de li gundê Zerara ji dayik bûye, di Şoreşa duyema Barzan de têkoşer bûye, û Pêşmergeyê Komara Kurdistanê li Mehabadê bûye, beşdarî Şoreşa Eylûlê û Şoreşa Gulanê bûye, endamê yekîneya Topxaneya Şoreşê bûye, xwediyê xelata Barzanî ye, di sala 2014an de koça dawî kiriye.
Cebraîl Yehya Şelal, Pêşmerge û hevsengerê Barzanî bo Yekîtiya Sovyetê bû, di sala 1921ê de li gundê Çê ji dayik bûye, di refên Pêşmergeyên Komara Kurdistanê ya Demokratîk li Mehabadê de têkoşiyaye, beşdarî Şoreşa Eylûlê û Şoreşa Gulanê bûye, di sala 1983an de li Tehranê koça dawî kiriye.
Selîm Reşîd Selam, Pêşmerge û hevsengerê Barzanî bo Yekîtiya Sovyetê, sala 1918an li gundê Babsîva ji dayik bûye, di Şoreşa duyema Barzan de têkoşiyaye, yek ji Pêşmergeyên Komara Kurdistanê ya Demokratîk li Mehabadê bûye, beşdarî Şoreşa Eylûlê bûye, piştî şikestê bo başûrê Iraqê hatiye dûrxistin, sala 2006an koça dawî kiriye.
Yasin Mihemed naskirî bi Erefe Yasin Doskî, Pêşmerge û fermandeyek di şoreşên Eylûl û Gulanê de, menasibên fermandeyê mefrezeyê, fermandeyê seriyê, fermandeyê fuj, fermandeyê hêzê wergirtine, beşdarî Kongreya Nehem a Partiya Demokrat a Kurdistanê bûye.
Kongreya Çarê ya Yekîtiya Xwendekarên Kurdistanê di 14ê sibata 1964an de li gundê Çoxmaxê yê nêzîkî Silêmaniyê hat lidarxistin, piştî ku serkirdayetiya şoreşê bi hikûmetê re gihîştin rêkeftinê û di 10ê sibata heman salê de peymana aştiyê hat ragihandin.
Selîm Seîd Feqê Ebdulrehman, Pêşmerge û hevsengerê Barzanî bo Yekîtiya Sovyetê, sala 1906an li gundê Barzan hatiye dinê, di refên Pêşmergeyên Komara Kurdistanê ya Demokratîk li Mehabadê de bû, beşdarî Şoreşa Eylûlê bû, di 31ê tîrmeha 1983an de di operasyona Enfalê ya Barzaniyan de li komelgeha Qûştepe hat windakirin.
Teha Yasin Şekûr, Pêşmerge û hevsengerê Mistefa Barzanî bo Yekîtiya Sovyetê, di sala 1919an de li gundê Mîrozê ji dayik bûye, fermandeyekî serbazî di nava refên Pêşmerge de bû û demekê di baregehê Barzanî de xizmet kiriye, di 18ê îlona 1993an de li komelgeha Şaxûlanê koça dawî kir.
Teha Hedo Cîco yê bi (Teha Reş) navdar e, Pêşmerge û hevsengerê Mistefa Barzanî bo Yekîtiya Sovyetê, di sala 1890î de li gundê Bîroxê ji dayik bûye, di sala 1981ê de koça dawî kir.
Mihemedemîn Me'rûf bi temamî, yê bi navê mamoste Mihemedemîn Me'rûf tê naskirin, di sala 1940an de bû endamê Partiya Hîwaya Kurd, di sala 1950an de bû endame Komîteya Navendî ya Partiya Dêmokrata Kurdistanê (Konferansa Koyê), di sala 1951an de ji aliyê mendûbên Kongreya Duyem a partiyê ve wek endame Komîteya Navendî ya Partiya Dêmokrata Kurdistanê hat hilbijartin, di sala 1953an de li dijî namzetbûna endamên Partiya Dêmokrata Kurdistanê-Îraq bo Encûmena Nûnerên Îraqê bû, di sala 1957an de bû endame Komîteya Navendî ya Partiya Dêmokrata Kurdistanê ya Yekbûyî (Yekbûna Sêyem)...
Di 16ê tebaxa 1983an de, salvegera damezrandina Partiya Dêmokrata Kurdistanê, Hêzên Pêşmergeyên Kurdistanê plan kirin ku çalakiyeke taybet pêk bînin, ew jî êrîşkirina ser dezgehên serbazî yên Be'sî bû, ev çalakî ya Hêzên Pêşmerge êrîşkirina ser rabiya (binkeyên) Artêşa Iraqê li ser rêya Seyîdsadiq-Şanderî bû, ku bû sedema ziyanên giran bo hêzên serbazî yên Iraqê.
Ev melbend di 30ê Cotmeha 1969an de li bilindahiyên li pişt gundên Kertek û Maxûbznan ên nêzîkî Sengeserê qewimî, ku tê de Hêzên Pêşmerge bi fermandariya Omer Axa Dolmerî êrîşî Artêşa Iraqê û sîxuran (caş) kirin. Di demek kurt de wan karîbû dest deynin ser baregehan û zirarên madî û manewî yên giran li wan bixin û hejmarek mezin ji çekan bi dest bixin, her wiha stratejiya wan a plankirî ya ji bo girtina baregeha Barzanî li Dêlemanê pûç kirin.
Tahir Şerîf Elî, Pêşmerge û hevsengerê Barzanî bo Yekîtiya Sovyetê, sala 1920 li gundê Hemdla ji dayik bûye, sala 1989 li Mûsilê koça dawî kiriye.
