ڕەشید ساڵح ڕەشید، ساڵی ١٩٧٣ لە گوندی ستونی لە دایک بووە. ساڵی ١٩٨٥ پەیوەندی بەڕێکخستنەکانى پارتى دیموکراتى کوردستان کردووە، ساڵى ١٩٩١ پەیوەندى بە هێزی پێشمەرگە کردووە، ساڵى ١٩٩٧ شەهید بووە.

خورشید ئیسماعیل فەتاح، ساڵی ١٩٥٤ لە گوندی ستونی لە دایک بووە. ساڵی ١٩٦٥ پەیوەندی بە هێزی پێشمەرگەی شۆڕشی ئەیلوول کردووە، ساڵی ١٩٩٧ لە میحوەری مێروز شەهید بووە.

حەمەد چاوشین، ساڵی ١٩٦٠ لە گوندی ببێل لە دایک بووە.ساڵی ١٩٧٩ دەبێتە ئەندامی حزبی،ساڵی ١٩٨١ ئاوارەی وڵاتی ئێران بووە و هەمان ساڵ بۆتە پێشمەرگە.

چاوشین هەمین فەقێ، ساڵی ١٩٦٩ لە ناحیەی پیران لە دایک بووە. ساڵى ١٩٩١ پەیوەندى بە هێزی پێشمەرگەى پارتى دیموکراتى کوردستان کردووە. ساڵى ١٩٩٧ شەهید بووە.

شەهید جەبار عومەر محەمەد، ساڵی ١٩٤٣ لە گوندی ستونی لە دایک بووە. ساڵى ١٩٦٥ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٩٧ شەهید بووە.

شەهید بەهائەدین یوسف حەسەن ستونی، ساڵی ١٩٥٠ لە گوندی ستونی لە دایک بووە. ساڵى ١٩٧٥ ئاوارەى وڵاتى ئێران بووە، ساڵی ١٩٧٨ پەیوەندى بە هێزى پێشمەرگەى شۆڕشی گوڵان کردووە، ساڵی ١٩٩١ بەشداری ڕاپەڕینى باشوورى کوردستانى کردووە، ساڵى ١٩٩٧ شەهید بووە.

شەهید بەدەل کەریم نادر، ساڵی ١٩٥٩ لە گوندی ستونی لەدایک بووە، ساڵی ١٩٧٣ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٨٣ شەهید بووە.

بەحری شکری مەجید، ساڵی ١٩٦٩ لە گوندی دری لەدایک بووە، ساڵى ١٩٧٨ پەیوەندى بەڕێکخستنە نهێنییەکانى پارتى دیموکراتى کوردستان کردووە، ساڵى ١٩٨٢ پەیوەندى بە هێزى پێشمەرگەى شۆڕشی گوڵان کردووە. ساڵى ١٩٨٨ لە داستانى خواکوڕک شەهید بووە.

عارس مەلاک لاو باجۆ کانیەلنجى، ساڵى ١٩٣٠ لە گوندی کانیەلنج ناحیەی گۆڕەتوو قەزای مێرگەسۆری پارێزگای هەولێر لە دایک بووە، ساڵى ١٩٤٣ پەیوەندى بە هێزى پێشمەرگەى شۆڕشی دووەمى بارزان (١٩٤٣- ١٩٤٥) کردووە، ساڵى ١٩٤٦ لە کۆمار پێشمەرگە بووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە. ساڵى ١٩٦٢ شەهید بووە.

مستەفا حەسەن حەمەدۆک پیرانى، ساڵى ١٩٦٩ لە ناحیەى پیران قەزاى مێرگەسۆر پارێزگاى هەولێر لەدایک بووە، ساڵى ١٩٨٢ پەیوەندى بەڕیزەکانى یەکێتى قوتابیان کردووە. ساڵى ١٩٨٧ پەیوەندى بە هێزى پێشمەرگەى شۆڕشی گوڵان کردووە، ساڵى ١٩٩٦ شەهید بووە.

عەبدوڵا ئەحمەد فەقۆ بیەیی لە ساڵی ١٩٣٦ لە گوندی بیێ دەڤەری بارزان سەربە قەزای مێرگەسۆر لە دایكبووە. ساڵی ١٩٤٥ لە نسکۆی شۆڕشی دووەمی بارزان (١٩٤٣- ١٩٤٥) و لە تەمەنی مندالیدا لەگەڵ خێزانەکەی ئاوارەی رۆژهەڵاتی کوردستان بووە.

محەمەدئەمین عەزیز حسێن ناسراو بە (مام هەمزە)، لە ساڵی ١٩٢٧ لە گوندی گردیماوان سەر بە ناوچەی زرارەتی پارێزگای هەولێر لەدایک بووە و لە شۆڕشی ئەیلوول پلەی سەرلق بووە.