چیمەن مورشید مەلا شێخە
چیمەن مورشید مەلا شێخە لە ساڵی ١٩٥٦ لە شارۆچکەی شەقڵاوە لە دایکبووە ، مامۆستای قوتابخانە بووە، لە ساڵی ١٩٨٧ لەلایەن ڕژێمى بەعسەوە شەهید دەکرێت.
شەهیدان١ خولەک
ئینسکلۆپیدیای پارتی دیموکراتی کوردستان
Loading
لە کۆمەڵەدا بگەڕێ، بە پۆل، زمان، و بەرواری بڵاوکردنەوە پاڵاوتن بکە.
٦٢٩ ئەنجام
چیمەن مورشید مەلا شێخە لە ساڵی ١٩٥٦ لە شارۆچکەی شەقڵاوە لە دایکبووە ، مامۆستای قوتابخانە بووە، لە ساڵی ١٩٨٧ لەلایەن ڕژێمى بەعسەوە شەهید دەکرێت.
گەیلان مستەفا محەمەد عەلی لە ساڵی ١٩٦٣ لە شارۆچکەی شەقڵاوە لەدایکبووە. باوکی شەهیدە و پێشمەرگەی شۆڕشی ئەیلوول بووە، لە ساڵی ١٩٨٧ دواى بەشداریکردنى لە خۆپیشاندانى شارى شەقڵاوە، دەستبەسەر دەکرێت و لە سێدارە دەدرێت.
وشیار کەمال ڕەسول محەمەد ناسراو بە (ملازم)، لە ساڵى ١٩٦٢ لە گوندی چنێرانى سەر بە شارەدێى هیران لە دایک بووە، لە پێشمەرگایەتیدا بەرپرسى مەفرەزە بووە و یەک جار برینداربووە، لە ساڵی ١٩٨٧ لە نێوان هەردوو گوندى ئاقوبان، پونگینە شەهید دەبێت.
ئازاد سلێمان میران ناسراو بە (ئازاد میران)، لە ساڵى ١٩٤٨ لە قەزای شەقڵاوە لەدایکبووە، قوتابى بەشى کوردى زانکۆى بەغدا و کادیرێکى دیار و چالاکى یەکێتى قوتابیانى کوردستان بووە، لە ساڵی ١٩٦٨ پەیوەندی بە هێزی پێشمەرگە کوردستانەوە کردووە. لە ڕێکەوتى ١٣ی ئایاری ١٩٧٤ لەگەڵ پۆلێک لە هەڤاڵانى لە شاری بەغدا لە سێدارە دەدرێن.
گۆرگیس یوسف مەتێ، لە ساڵی ١٩٥٠ لە شارۆچکەی شەقڵاوە لە دایکبووە، پێشمەرگەی هەردوو شۆڕشی ئەیلوول و شۆڕشی گوڵان بووە. لە ساڵی ١٩٦٤ چووەتە ڕیزى ڕێکخستنەکانى پارتی ، دواى نسکۆ ئاوارەى ئێران بووە، دوو جار برینداربووە، لە ساڵی ١٩٨٨ بە مۆڵەت دەگەڕێتەوە بۆ شەقڵاوە، بەڵام لە رێگادا لەلایەن رژێمی بەعسەوە دەستبەسەردەکرێت و تا ئێستاش بێ سەروشوێنە.
کەمال عەوڵا عەلی مستەفا، لە ساڵی ١٩٥٢ لە شارۆچکەی شەقلاوە لەدایکبووە، لە شۆڕشی گوڵان پێشمەرگە بووە، بەشدارى ڕاپەڕینى بەهارى ساڵى ١٩٩١ کردووە، لە ڕێکەوتى ١٤ی نیسانی ١٩٩١ لە قەلعەی ئاکرێ شەهید بووە.
شێروان حەمید حەمەدئەمین قادر لە ساڵی ١٩٦٣ لە شارۆچکەی شەقلاوە لەدایکبووە، ئەندامى یەکێتى قوتابیانى کوردستان بووە، لە خۆپیشاندانى شارى شەقڵاوە دژى رژێمى بەعس لە ساڵى ١٩٨٧ بەشداریکردووە، بەمهۆیەوە دەستگیر دەکرێت و لەسێدارە دەدرێت.
سەربەست سەبری کاکۆ حسێن لە ساڵی ١٩٦٣ لە شارۆچکەی شەقڵاوە لەدایکبووە، سەر بە ڕێکخستنەکانى پارتی دیموکراتی کوردستان بووە، لە سەرەتای ساڵی ١٩٨٣ دەستگیرکراوە و ڕەوانەی گرتووخانەی ئەبوغرێب کراوە. دواى ئازادبوونى، لە ساڵی ١٩٨٧ پەیوەندی دەکاتەوە بە مەفرەزەکانی لقی دوو. لە ساڵی ١٩٨٨ دەستبەسەر دەکرێت و دواتر شەهید دەبێت.
ئەمیر عاز عەزیز مەحمود، ناسراو بە (شەهید کاکۆ)، لە ساڵی ١٩٣٧ لە قەزای مەخمور لەدایکبووە، پێشمەرگەى شۆڕشی ئەیلوول بووە، لە پێشمەرگایەتیدا بەرپرسى مەفرەزەى بارەگاى بارزانى بووە و دواتر بووەتە فەرماندەى هێز، لە بەرواری ١٣ی ئابی ١٩٨٣ لە چیای قەندیل شەهید بووە.
رەشاد خزر عەلی ناسراو بە (رەشاد خزر سيساوا)، لە ساڵی ١٩٥٥ لە گوندی سيساوە لە دايكبووە، پێشمەرگەی شۆڕشی گوڵان بووە، لە پێشمەرگایەتیدا یەکجار برینداربووە، لە حزبایەتیدا بەرپرسى ڕێکخراو بووە، لە ڕێکەوتى ١٢ی تشرینی یەکەمی ١٩٨٥ شەهیدبووە...
حەمید حەمەدەمین قادر لەساڵی ١٩٣١ لە قەزای شەقڵاوە لەدایکبووە. پەیوەندیی سیاسی و تەنزیمی لە ساڵی ١٩٨٠ دروست دەبێت ، لە ساڵی ١٩٨٧ خۆ و تەواوى ئەندامانی خێزانەکەی لە ئەمنی هەولێر دەستگیردەکرێن، دواتر لە سێدارە دەدرێن.
جەلال کەریم وەیسی ناسراو بە جەلال شێخ وەسانی، ساڵی ١٩٦٥ لە شارۆچکەی شەقڵاوە لە دایکبووە. قوتابی قۆناغی ئامادەیی بووە. پەیوەندی لەگەڵ یەکێتی قوتابیانی کوردستان هەبووە. لە ساڵی ١٩٨٧ پەیوەندی بە هێزی پێشمەرگەوە دەکات. لەساڵی ١٩٨٨ بە مەفرەزە دەچنە دەشتی هەریر و دەکەونە بۆسەی دوژمن و شەهید دەبێت.